ისტორია

1990-იანები

1990 შემოვიღეთ ეროვნული პირველობა და უცხოეთთან კონტაქტებიც გავაცხოველეთ, მაგრამ ოთხი უკეთესი გუნდი საბჭოურ ასპარეზზე რომ დაგვირჩა, თემში უთანხმოება ჩამოვარდა; არც ირბ-მა მიგვიღო წევრად, მთლად გაეროვნულებულმა ფეხბურთმა კი ლამის იყო, უსტადიონოდ დაგვტოვა ოვალური ბურთის მიმდევრები

1991 დამოუკიდებლობის აღდგენა რომ გამოცხადდა, ოთხ უკეთეს კლუბს საბჭოთა ასპარეზის მიტოვება მოუხდა; მათ ნაცვლად უცხოეთში სულ სხვა გუნდები გაემგზავრნენ, შინ კი თუმც სეზონთა ახლებურ ათვლაზე გადავედით და ჩემპიონატში აქამდეც სარეკორდოდ ბევრი, 21 გუნდი ჩაება, ქვეყანაში დასადგურებულმა ქაოსმა ოვალურ-ბურთა თამაშიც დააკნინა

1992 ირბ-მა მიგვიღო და ფირა-მ გვიმუხთლა, შინ კი, ძმათ-მკვლელი ომების გამო, ეროვნული პირველობა სკანდალით დასრულდა, ხოლო შემოდგომაზე თემი ამერ-იმერადაც გაიხლიჩა

1993 წარუმატებელი გამოდგა დებიუტები მსოფლიო თასის შესარჩევსა და ერთა თასის ბოლო ჯგუფში; ჭაბუკებმა ამავე დონეზე პირველად იასპარეზეს ევროპაში, იმერში უქმად დარჩენილმა ერქვანმა კი პოსტ-საბჭოური რაგბი-ლიგისკენ ჰქნა პირი

1994 ჯერ შარშანდელი ჩემპიონი გამოვლინდა; არსებულთა შერწყმით შეიქმნა ახალი კლუბები, მაგრამ მერკური ზაფხულში დაიშალა და შედგა გუმარი, ვინც საფრანგეთი მოიხილა; ჭაბუკები მეორედ გავიდნენ ევროპაში; კაცთა ნაკრებმა ორად ორი ტესტი გამართა და სეზონიც ადრე დასრულდა

1995 თანდათან შეიცვალა კავშირისა და ეროვნული ნაკრების უფროსობა; დაწესდა სინი, გამოიცა წესები, ლიანგმა მსოფლიო თასს ცოცხლად უყურა, კლუბები კი ერთი ხანობა თუმც ვაკიდან გამოაძევეს, ოვალურ ბურთა თამაშმა 27 წლის შემდეგ მაინც შეაღწია ეროვნულზე და ხალხი გამარჯვებით გაახარა

1996 ბორჯღალოსნებმა საარაკოდ ძლიეს ციმბირელი დევები და ტრადიციას ჩაუყარეს საფუძველი; ხელი მოეცარათ ჭაბუკთა, შვიდკაცა და სტუდენტურ ნაკრებებს; ვაკიდან კვლავ ამაოდ სცადეს ოვალური ბურთის მიმდევართა გაძევება, მარათონული, ინტრიგით სავსე საშინაო სეზონი კი გახშირებული შატალოებით დასრულდა

1997 პირველად გამოვცადეთ ლათინთა სიმუხთლე; ნაკრების კონსულტანტად მოვიწვიეთ ფრანგი კლოდ სორელი; წარმატებით დავიწყეთ მსოფლიო თასის შესარჩევები; ზელანდიაში სტაჟირებაზე მივავლინეთ ორი მორკინალი; გვიან დაწყებულ შინაურ პირველობას კი გაგანია სეზონში თუმც პლეი-ოფი დაემატა, ქვეყნის უძველესმა კლუბმა, ყოჩებმა მაინც იმარჯვა

1998 შინ მეორედ და ისევ სასწაულად ვძლიეთ რუსეთი, მაგრამ მსოფლიო თასისკენ მიმავალ გზაზე ირლანდიაში დაგვამუხრუჭა რუმინეთმა; ჭაბუკები პირველ ჯგუფში აღზევდნენ; ბორჯღალოსანთა საფრანგეთში გადასვლის გამო დაიშალა გუმარი; ნაკრების ვოიაჟთა გადამკიდე კი შინაური პირველობის მეორე სტადია უბობოლებოდ ჩატარდა

1999 მსოფლიო თასიდან ტონგამ გამოგვაგდო, ხოლო ფიჯზე ნაკრების მწურთნელი დავაგირავეთ; შვიდკაცა მსოფლიო სერიაში ჩაება; ჭაბუკები ელიტაში ვერ დარჩნენ; გაცხოველდა ბორჯღალოსანთა ემიგრაცია; შინ კი გაუქმდა პლეი-ოფი, ჩემპიონი ბათუმი გახდა და ოვალური ბურთი ვაკიდან გარეუბნებში გაიხიზნა

2000 ბორჯღალოსნები ახლებურ ერთა თასში ჩაებნენ და ჩემპიონობამდე ცოტა დააკლდათ; შვიდკაცამ მსოფლიო თასის საგზური მოიპოვა; შინ დაწესდა ბზის თასი და ფინალი ფრედ რომ დასრულდა, ორივე გუნდს თავი ჩემპიონი ეგონა; ხოლო VII არხმა ზეპური მატჩების ქართული კომენტარით ჩვენება დანერგა

2001 პირველად შევმართეთ ერთა თასი და აქამდე ერთადერთხელ ვუმასპინძლეთ აფრიკის ბოკეს; შვიდკაცის მსოფლიო თასზე სინის ფინალში გავედით; ჭაბუკები ელიტაში დაბრუნდნენ; დაარსდა ჟურნალი და შინაური პირველობაც პირველად დასრულდა მუღამიანი, ავსტრალიური პლეი-ოფით

2002 გაზაფხულზეც შინ ფრეს დავჯერდით ბურებ-ამატებულ რუსეთთან და რუმინეთსაც ერთბაშად სამი ჯილდო გავატანეთ, მაგრამ შემოდგომაზე რუსეთსვე მოვუგეთ გადამწყვეტი რკენა და ავსტრალიაში გასამართ მსოფლიო თასზე გავედით; ჭაბუკებმა ელიტაში მოიკიდეს ფეხი; ამოქმედდა ოლიმპის საითები; აჭარამ რეგიონთა თასზე გვასახელა და ბზის თასის ფინალიც ბათუმური დარბი გამოვიდა

2003 პირველად ვიასპარეზეთ მსოფლიო თასზე და პუბლიკა თავდადებითა და ჭრელი კვართებით მოვხიბლეთ; ვაკეში პირველად მოეწყო ევრო-სერიის შვიდკაცა და ჩვენი გამარჯვებით დასრულდა; რუმინეთს თბილისში ვერ დავატოვებინეთ ანთიმოზ ივერიელის თასი; ჭაბუკები ელიტაში წკიპზე დარჩნენ; თემმა კი ზეპურ მატჩებს კაფე მსოფლიო სპორტსა და ბარ ანგარში უცქირა

2004 შეიცვალა ნაკრებისა და კავშირის უფროსობა; ბორჯღალოსნებმა ერთა თასზე თანდათან უმატეს, მოიხილეს სამხრეთი ამერიკა და შესარჩევი ციკლი რუსეთის ძლევით გახსნეს; შვიდკაცამ პირველად იჩაუქა ჰონკონგში და მსოფლიო თასის საგზური მეორედაც მოიპოვა; ჭაბუკები კი მოკვეცილ ელიტაშიც დარჩნენ და ჩვენში 13-კაცაც დაინერგა

2005 ბორჯღალოსნებმა პირველად შემართეს ანთიმოზ ივერიელის თასი და ერთა თასზეც დაწინაურდნენ; ახალგაზრდებმა უბობოლებო ევროპაზე იჩემპიონეს; მოვიგეთ ბათუმის შვიდკაცაც; ლოკომოტივმა წაუგებლად იასპარეზა თასზე, პირველობასა და სინზე; ფანობამ კი იხილა 13 ქართველის ფერხული და ბურთაობა

2006 პორტუგალიის ჯობნით მეორედაც გავედით მსოფლიო თასზე; მოვიხილეთ იაპონია და ვუმასპინძლეთ ბარბაროსებს; ჭაბუკები ელიტაში ვერ დაბრუნდნენ; დაგვეშალა ლიგის ნაკრები და შვიდკაცამაც მხოლოდ ევროპაში იჩაუქა, მაგრამ შეიქმნა ქალთა გუნდი; გამოიცა ლექსიკონიანი წესები; შინ კი ლოკომოტივმა ზედიზედ მეორედ, წაუგებლად გალია თასიცა და პირველობაც

2007 საფრანგეთში გამართულ მსოფლიო თასზე 20 გუნდში მე-13 ადგილი რომ დავიჭირეთ და ბობოლა ირლანდიაც კინაღამ ვძლიეთ. საზოგადოებამ ამ შეჯიბრის 25 მატჩი ტელე-ეკრანზე ცოცხლად იხილა; რუმინეთს სტუმრად ჩამოვართვით ანთიმოზ ივერიელის თასი და იქვე, ირბ-ის ერთა თასზე მესამე ადგილზეც გავედით, ხოლო შინ ყოჩებმა შეასრულეს დუბლი

2008 ბორჯღალოსნები ავსტრალიელმა თიმ ლეინმა ჩაიბარა და ექვსიდან ექვსი მატჩის მოგებით ევროპის ერთა თასზე აჩემპიონა; შვიდკაცამ ევროპაში მესამე ადგილი დაიჭირა და მესამედ გავიდა მსოფლიო თასზე; არკულზე ისევ გავუსწარით მასპინძელ რუმინეთს და მეორე პოზიციაზე დავაფინიშეთ; ჭაბუკები კი პირველ მსოფლიო ალაფაზე მესამე ადგილს დაჯერდნენ, თასზე ვერ გავიდნენ და საგაისოდ ვეღარც მაგ ალაფაზე მოხვდნენ

2009 ბორჯღალოსნებმა ნეიტრალურ მოედანზე, უკრაინაში, მეთერთმეტედაც ძლიეს რუსეთი და როგორც მერეღა გაირკვა, მესამედ მოიპოვეს ერთა თასი

Exciting line-up for IRB Nations Cup (IRB.COM) Thursday 29 April 2010

he International Rugby Board has revealed an exciting line-up for the fifth IRB Nations Cup taking place in the stadionul National Arcul de Triumf in Bucharest, Romania.

The key international tournament, which will be played over three match days from June 11-20, features hosts Romania, Georgia and Namibia with defending champions Scotland A, Italy A and the Argentina Jaguars completing the blend of A teams from Tier One Unions and full test teams from Tier Two Unions.

"We are delighted with the line-up for this year's IRB Nations Cup and particularly pleased to welcome Namibia back following their last appearance in 2007 and Georgia who played in last year's Churchill Cup," said IRB Chairman Bernard Lapasset.

"The IRB Nations Cup is a very important event for our Tier Two Unions as they prepare for Rugby World Cup 2011 and equally important for Argentina who are increasing their elite playing structures in preparation for inclusion in an expanded Tri Nations tournament from 2012 onwards."

IRB Head of Development and Performance Mark Egan added: "A key element of our Strategic Investment Programme is to provide targeted Unions such as Romania, Namibia and Georgia with an expanded international match programme for their elite players."

"In addition Tier One Unions such as Italy, Argentina and Scotland find this tournament an invaluable platform for developing their A team programmes which play a very important role in expanding their pool of players capable of making the step up to full international honours."

Match Day 1 - Friday, June 11
Namibia v Romania
Argentina Jaguars v Italy A
Scotland A v Georgia

Match Day 2 - Tuesday, June 15
Italy A v Georgia
Scotland A v Namibia
Romania v Argentina Jaguars

Match Day 3 - Sunday, June 20
Georgia v Namibia
Italy A v Romania
Argentina Jaguars v Scotland A

მუნდიალი და ბუქარესტის ტურნირი ერთად იწყება

საქართველოს მორაგბეთა ეროვნული ნაკრები ივნისში ბუქარესტში - IRB-ს ერთა თასის გათამაშებაში მიიღებს მონაწილეობას. უკვე ცნობილია მონაწილე გუნდების
ვინაობაც და ტურნირის კალენდარიც. IRB-ს ერთა თასი ფეხბურთში მსოფლიოს ჩემპიონატის გახსნის დღეს - 11 ივნისს აიღებს სტარტს და ბორჯღალოსანთა პირველი მეტოქე ტურნირის მოქმედი ჩემპიონი და უმთავრესი ფავორიტი შოტლანდიის A ნაკრები იქნება. 15 ივნისს ჩვენები იტალიის A ნაკრებს დაუპირისპირდებიან, 20-ში კი - ნამიბიის ეროვნულ გუნდს. საქართველოს ნაკრებისთვის ყველაზე მნიშვნელოვანი სწორედ ეს შეხვედრაა, რადგან ოფიციალური ტესტ-მატჩია და მისი შედეგი გუნდების რეიტინგზე აისახება.

ზემოაღნიშნული გუნდების გარდა, ტურნირში მასპინძელთა ეროვნული ნაკრები და არგენტინის "იაგუარები" - იგივე A ნაკრებიც მიიღებს მონაწილეობას, ერთა თასის გამარჯვებულად კი ის გუნდი გამოცხადდება, ვინც ყველაზე მეტ ქულას მოაგროვებს.

შოტლანდიის ნაკრებთან ჩვენებს მწარე მოგონება აკავშირებთ (2008 წლის ნოემბერში 69:3 მოგვიგეს). ტიმ ლეინის შეგირდები იმ მატჩის დავიწყებას ბუქარესტში კარგი თამაშით უნდა შეეცადონ. რაც შეეხება იტალიის A ნაკრებს, ბორჯღალოსნებს ეს გუნდი არაერთხელ დაუბრიყვებიათ, ნამიბიელებს კი 2007 წლის მსოფლიო თასზე სულაც 30:0 მოვუგეთ. მომავალი ტურნირის შესახებ კომენტარი საქართველოს რაგბის კაშირის პრეზიდენტ გია ნიჟარაძეს ვთხოვეთ:

- სამწუხაროდ, ჩვენს გუნდს ბუქარესტის ტურნირზე ძალიან ბევრი ძირითადი მოთამაშე დააკლდება, რადგან ტურნირი სატრანსფერო "ფანჯარას" ემთხვევა და მოთამაშეთა უმეტესობა ახალი კლუბის ძიებით იქნება დაკავებული. მათ ნაცვლად რუმინეთში ახალგაზრდა მოთამაშეებს წავიყვანთ. ერთი მხრივ, ეს ცუდია, რადგან უძლიერესი მეტოქეები გვეყოლება, მაგრამ, ამავდროულად, ახალგაზრდა მორაგბეები უდიდეს გამოცდილებას მიიღებენ.

ნამიბიელებთან მატჩს დიდი ყურადღებით ვეკიდებით, რადგან ოფიციალური ტესტია და აღარ უნდა გავიმეოროთ ის შეცდომები, როცა ასეთ შეხვედრებს სათანადოდ მობილიზებული ვერ შევხვდით და შედეგად, რეიტინგში დავქვეითდით. თუმცა ახლავე ვაცხადებ: IRB-ს ერთა თასზე ახალგაზრდების მიერ გამოცდილების მიღებას შედეგზე მეტ მნიშვნელობას ვანიჭებთ. ნამდვილად არ მსურს, გულშემატკივარს ილუზია გავუჩინო, რომ შოტლანდიასთან რევანშს ავიღებთ და ა.შ. მირჩევნია საქართველოს ნაკრებმა მსოფლიო თასზე დაამტკიცოს თავისი ძალა.

- შოტლანდიელებთან მატჩს ერთგვარი ინტრიგა იმის გამოც ექნება, რომ რიჩი დიქსონი, რომელიც საქართველოს ნაკრების კონსულტანტია რაგბის განვითარების საქმეში, თავის დროზე შოტლანდიის ნაკრების მწვრთნელი გახლდათ.
- რიჩი დიქსონი იმდენად კარგად მუშაობს, რომ "დავაწინაურეთ" და ამჟამად რაგბის კავშირის მთავარი მრჩეველია. მინდა აუცილებლად ვთქვა, რომ ეს კაცი სულ იმას უსვამს ხაზს, რომ "ქართველია". - "ჩვენ რომ ამას გავაკეთებთ", "იმათ უნდა მოვუგოთ", "ჩვენი გუნდი" და ა.შ. - აი, ასეთია ხოლმე მისი პოზიცია. ის ნამდვილი პროფესიონალია და ამავდროულად შესანიშნავი ადამიანი. ძალიან უყვარს ჩვენი ქვეყანა, ჩვენი რაგბი და როცა ხედავს, რომ მის შრომას აშკარა შედეგი აქვს, მეტ სტიმულს იღებს. დიახ, ის შოტლანდიელია, მაგრამ ახლა საქართველოს ნაკრებისთვის მუშაობს და ყველაფერს გააკეთებს, რომ ნებისმიერ მეტოქესთან წარმატებას მივაღწიოთ.

დავით ქუბრიაშვილი „ჩელენჯ ქაფის“ ფინალში ითამაშებს

საქართველოს ეროვნული ნაკრების და ფრანგული „ტულონის" მორაგბე დავით ქუბრიაშვილი რანგით მეორე ევროტურნირ "ჩელენჯ ქაფ"-ის ფინალში ითამაშებს. ნახევარფინალურ დაპირისპირებაში, რომელიც ირლანდიაში გაიმართა ქართველი მორკინალის გუნდმა ადგილობრივი "კონახტის" 19:12 დამარცხება შეძლო და მარსელში 23 მაისს გასამართი ფინალის საგზური მოიპოვა.

სამწუხაროდ, ქუბრიაშვილი გუნდის განაცხადში ვერ მოხვდა. მატჩის გმირად კი ფრანგთა ინგლისელი ლეგიონერი ჯონი უილკინსონი იქცა... „ტულონის" მეტოქე ფინალში უელსური „კარდიფ ბლუზი" იქნება, რომელმაც ლონდონში "ვაპსი"18:15 დაამარცხა.

ევროპის ყველაზე პრესტიჟული ტურნირი "ჰეინეკენის თასის" ფინალი კი რომელსაც 22 მაისს, პარიზის, "სტად ფრანსე" უმასპინძლებს ფრანგული იქნება. ფინალში თამაშის უფლება „ტულუზამ" და „ბიარიცმა" მოიპოვეს. ნახევარფინალში "ტულუზამ" თასის მფლობელ ირლანდიურ "ლინსტერს" 26:16 მოუგო.

საფრანგეთის მოქალაქე დიმიტრი იაშვილის "ბიარიცმა" კი ირლანდიური "მანსტერი" 18:7 დაამარცხა. ირლანდიელები 28-ე წუთზე ლელოთი და გარდასახვით დაწინაურდნენ, მერე კი იაშვილი გამოცოცხლდა.

დიმიტრი იაშვილმა შესვენებამდე ერთი ჯარიმა გაიტანა, მე-2 ტაიმის დასაწყისში სხვაობა მინიმუმამდე დაიყვანა, დასკვნით ოც წუთში კი, ჯარიმებიდან კიდევ ოთხჯერ იხეირა და საკუთარი გუნდის ყველა ქულა თავის ანგარიშზე ჩაიწერა.

მიმდინარე სეზონში იაშვილმა 101 ქულა მოაგროვა და "ჰეინეკენის თასის" ბომბარდირთა სიას ლიდერობს. დიმიტრი იაშვილის მიერ კარიერაში პრესტიჟულ ევროპის საკლუბო ტურნირებზე მოგროვილმა ქულებმა კი 505-ს უწია.

საქართველოს 18-წლამდელ მორაგბეთა ნაკრები წინანდალში დაჯილდოვდა

საქართველოს 18-წლამდელ მორაგბეთა ნაკრების წევრები, ევროპის ჩემპიონატზე მოპოვებული მე-3 ადგილისათვის, 3 მაისს კულტურის, ძეგლთა დაცვისა და სპორტის მინისტრის - ნიკოლოზ რურუას მადლობის სიგელებით წინანდალში დაჯილდოვდნენ.

ჭაბუკ "ბორჯღალოსნებს" სიგელები წინანდალში მდებარე ალექსანდრე ჭავჭავაძის სახლმუზეუმში, სპორტის დეპარტამენტის თავმჯდომარე - დავით ნამგალაურმა და რაგბის კავშირის პრეზიდენტმა - გია ნიჟარაძემ გადასცეს. წინანდალში ვიზიტამდე მორაგბეებმა ალავერდის მონასტერი მოინახულეს.

ალავერდის მონასტერში საქართველოს 18-წლამდელ მორაგბეთა ნაკრებს მონასტრის ბერებმა ეკლესიის ისტორია გააცნეს და ის წმინდა ადგილები აჩვენეს, სადაც საქართველოს დიდგვაროვანთა სამარხები მდებარეობს. ალავერდის მონასტრის ადგილობრივმა ღვთისმსახურებმა მორაგბეები დალოცეს, საეკლესიო საჩუქრები გადასცეს და სამომავლო წარმატებები უსურვეს.

ალავერდიდან კი ნაკრების წევრებმა მწვრთნელებთან, რაგბის კავშირისა და სპორტის დეპარტამენტის ხელმძღვანელებთან ერთად წინანდალში, ალექსანდრე ჭავჭავაძის სახლმუზეუმში გადაინაცვლეს.

წინანდალში მორაგბეებმა ჭავჭავაძეების საგვარეულო სახლმუზეუმი, ღვინის უნიკალური საცავი და ლეგენდარული ესპანელი მხატვრის - სალვადორ დალის ნამუშევრები დაათვალიერეს.

დაჯილდოების ცერემონიალი წინანდლის მარანში გამართულ მესამე ტაიმზე შედგა, სადაც მორაგბეებსა და მათ მწვრთნელებს ლევან მგელაძის თავკაცობით, მადლობის სიგელები გადაეცათ მინისტრ - ნიკოლოზ რურუას ხელმოწერით.

გია ნიჟარაძე: ”ჩვენი სურვილია, რომ საქართველოს იმ ასაკობრივი ნაკრების წევრებმა, რომლებმაც სამომავლოდ ეროვნული გუნდის რიგებში უნდა ითამაშონ, საქართველოს ისტორია და ღირსშესანიშნაობები კარგად იცოდნენ.

ეს ტრადიციად დამკვიდრდება და სამომავლოდ რაგბის კავშირი კულტურის, ძეგლთა დაცვისა და სპორტის სამინისტროსთან და სპორტის დეპარტამენტთან ერთად კიდევ არაერთ მსგავსი ხასიათის ღონისძიებას დაგეგმავს. ვფიქრობ, საკუთარი ქვეყნის ასეთი ულამაზესი ადგილების მონახულება, ახალგზარდა მორაგბეების სპორტულ შემართებაზე მომავალში საუკეთესოდ იმოქმედებს."

დავით ნამგალაური: ”საქართველოს 18-წლამდელთა ნაკრებმა ევროპის ჩემპიონატზე მე-3 ადგილი ღირსეულად დაიკავა. ვფიქრობ, ამიერიდან მუდამ გვექნება საპრიზო სამეულში ყოფნის პრეტენზია. დღევანდელი ღონისძიება კი კულტურის, ძეგლთა დაცვისა და სპორტის მინისტრისა და რაგბის კავშირის ერთობლივი სურვილით დაიგეგმა და ნაკრების წევრებისათვის წინანდალში დაჯილდოება მართლაც გამორჩეულ დღედ იქცა."

ლევან გოგოლაშვილი: "ალავერდში მამაომ გვითხრა, რომ აუცილებელია ვიცოდეთ ჩვენი ძირი და ის თუ საიდან მოვდივართ და ვისი შთამომავლები ვართ, რასაც ძალიან დიდი მნიშვნელობა აქვს ახალგაზრდებისათვის. ძალიან გამიხარდა ასეთი სიურპრიზი რომ მოგვიწყვეს და ალავერდისა და წინანადლის მონახულების საშუალება მოგვცეს. გაგვიხარდა სიგელებით დაჯილდოებაც. მთლიანობაში, ეს ყოველივე, სამომავლოდ კიდევ უფრო მეტ სტიმულს მოგცვემს.”

ლაშა ლომიძე: ”ძალიან გახარებული ვარ, რომ დღეს საშუალება მოგვეცა ალავერდის მონასტერი და ალექსანდრე ჭავჭავაძის სახლმუზეუმი დაგვეთვალიერებინა. აქამდე არ გვქონდა ნანახი და ამ ყოველივემ ჩვენზე მართლაც განსაკუთრებული შთაბეჭდილება დატოვა.”