Jan 23, 2011
Jan 22, 2011
ქართველთა გუნდებიდან ორი პლეი ოფშია, სამი იბრძვის
ევროთასების გათამაშების ჯგუფური ტურნირი დღეს დასრულდება. ქართველ მორაგებთა გუნდებიდან პლეი ოფში თამაშის უფლება უკვე მოიპოვეს "ტულონმა" და "ბრივმა". დანარჩენ ოთხს კი, ბოლო ტურის წინ, მეტ-ნაკლები შანსი ჰქონდათ.
ბოლო ტური "ემლინ ჩელენჯ კაპზე" ბექა შეყლაშვილის "აჟენის" მატჩით გაიხსნა. ჩვენებურის გუნდმა, რომელიც E ჯგუფში ასპარეზობს, სტუმრად ითამაშა ინგლისურ "გლოსტერთან" და დიდი ანგარიშით დამარცხდა - 7:60. აჟენელებმა საბოლოოდ 15 ქულა დააგროვეს და მესამე ადგილს დასჯერდნენ. შეყლაშვილმა სრულად ითამაშა.
ჯგუფში პირველი ადგილი მეორე ფრანგულმა კლუბმა "ლა როშელმა" დაიკავა, რომელმაც ბოლო ტურში შინ გაანადგურა აუტსაიდერი იტალიური "როვიგო" - 71:17.
E ჯგუფი
გლოსტერი-აჟენი 60:7, ლა როშელი-როვიგო 71:17
სატურნირო მდგომარეობა
ლა როშელი - 24 ქულა, გლოსტერი - 21, აჟენი - 15, როვიგო - 0.
B ჯგუფში პირველი ადგილი და მეოთხედფინალის საგზური ერთი ტურით ადრე გაინაღდა დავით ზირაქაშვილისა და ვასილ კაკოვინის "ბრივმა". ჩვენებურთა გუნდმა 23 ქულა დააგროვა და მეორეადგილოსან, ინგლისურ "სეილ შარქსს" შვიდი ქულით უსწრებს. ბრიველები ბოლო ტურში სტუმრად ეთამაშებიან იტალიურ "პადოვას". მატჩს არანაირი სატურნირო ღირებულება არ გააჩნია და "ბრივი", სავარაუდოდ, იტალიაში სათადარიგო გუნდით წარსდგება.
ამავე ჯგუფში "სეილ შარქსი" სტუმრად ეთამაშება ესპანურ "ელ სალვადორს" და, სავარაუდოდ, დიდი ანგარიშით დაამარცხებს, რითაც საშუალება მიეცემა საუკეთესო მეორე ადგილი დაიკავოს.
B ჯგუფი
პადოვა-ბრივი, ელ სალვადორი-სეილ შარქსი
სატურნირო მდგომარეობა
1. ბრივი - 23 ქულა, 2. სეილ შარქსი - 16, 3. პადოვა - 5, 4. ელ სალვადორი - 4.
C ჯგუფში ლიდერი მამუკა გორგოძის, გიორგი ჟღენტის, გიორგი ჩხაიძის, გოდერძი შველიძისა და მიხეილ ნარიაშვილის "მონპელიეა". ჩვენებურთა გუნდი, რომელიც წლეულს ყველა ფრონტზე წარმატებით ასპარეზობს, ბოლო ტურში უშუალო კონკურენტ, ინგლისურ "ექსეტერს" შინ ეთამაშება.
"მონპელიეს" 17 ქულა აქვს და მეტოქეს ორი ქულით უსწრებს. მონპელიელებს პლეი ოფში გასასვლელად ფრეც ყოფნით. ჩხაიძე და შველიძე სათადარიგოთა შორის არიან, გორგოძე, ჟღენტი და ნარიაშვილი არ ითამაშებენ.
ამავე ჯგუფში უშანსოდაა დარჩენილი მესამეადგილოსანი ინგლისური "ნიუკასლი", რომელიც სტუმრად ეთამაშება ფრანგულ "ბურგუენს".
C ჯგუფი
მონპელიე-ექსეტერი, ბურგუენი-ნიუკასლი
სატურნირო მდგომარეობა
მონპელიე - 17 ქულა, ექსეტერი - 15, ნიუკასლი - 9, ბურგუენი - 6.
"ჰაინეკენის თასი"
ყველზე პრესტიჟულ "ჰაინეკენის თასის" გათამაშებაში, როგორც უკვე ვთქვით, პლეი ოფის საგზური დავით ქუბრიაშვილის "ტულონმა" მოიპოვა. ტულონელებმა პირველი ადგილი საკმაოდ ძლიერ მეტოქეებთან ბრძოლაში დაიმსახურეს. ხუთი მატჩიდან ოთხი მოგება და ერთი წაგება დიდოსტატური შედეგია და უნდა ვივარაუდოთ, რომ ქუბრიაშვილი და კომპანია თასისთვის ბრძოლაში წარმატებას მიაღწევენ.
"ტულონი" ბოლო ტურში სტუმრად ეთამაშება უელსურ "ოსფრიზს", რომელსაც ჯგუფში მეორე ადგილის დაკავების შანსი აქვს. ქუბრიაშვილი განაცხადში არ არის. ამავე ჯგუფში მეორე ადგილსითვის იბრძვის ირლანდიური "მანსტერიც", რომელიც შინ დაუპირისპირდება ინგლისურ "ლონდონ აირიშს".
C ჯგუფი
მანსტერი-ლონდონ აირიში, ოსფრიზი-ტულონი
სატურნირო მდგოამრეობა
ტულონი - 17 ქულა, მანსტერი - 11, ოსფრიზი - 10, ლონდონ აირიში - 9.
A ჯგუფში ინგლისური "ნორსჰემპთონი" მეტოქეთაგან მიუწვდომელია. ინგლისელებმა 21 ქულა დააგროვეს და პლეი ოფის საგზური ჯგუფური ტურნირის დასრულებამდე ერთი წუთით ადრე მოიპოვეს. "ნორსჰემპთონი" ბოლო ტურში სტუმრად ეთამაშება აქვსენტი გიორგაძისა და ანტონ ფეიქრიშვილის "კასტრს", რომელმაც 11 ქულა დააგროვა და მეორე ადგილზეა.
კასტრელები მოგების შემთხვევაში მეორ ადგილს განიმტკიცებენ, თუმცა ეს, შესაძლოა, პლეი ოფში მოხვედრისთვის საკმარისი არ აღმოჩნდეს. ფეიქრიშვილი და გიორგაძე სათადრიგოთა შორის არიან.
მეორე ადგილის დაკავების შანსი აქვს უელსურ "კარდიფ ბლუზსაც", რომელიც "კასტრს" ერთი ქულით ჩამორჩება და ბოლო ტურში სტუმრად ეთამაშება უმოტივაციო, შოტლანდიურ "ედინბურგს"
A ჯგუფი
კასტრი-ნორსჰემპთონი, ედინბურგი-კარდიფ ბლუზი
სატურნირო მდგომარეობა
ნორსჰემპთონი - 21 ქულა, კასტრი - 11, კარდიფი - 10, ედინბურგი - 7.
B ჯგუფში პლეი ოფში გასვლის ყველაზე უკეთესი შანსი ირლანდიურ "ლენსტერს" აქვს, რომელიც 19 ქულით პირველ ადგილზეა და სტუმრად უმოტივაციო პარიზულ "მეტრო რასინგს" ეთამაშება. ამ ჯგუფში 14 ქულით მეორე ადგილზეა დავით ზირაქაშვილის "კლერმონი". "ვულკანები" ბოლო ტურში სტუმრად დაუპირისპირდებიან ინგლისურ "სარასენზს", რომელიც 6 ქულით ბოლო ადგილზეა.
მოვლენათა სასურველი სცენარით განვითარების შემთხვევაში "კლერმონს" პირველი ადგილის დაკავებაც შეუძლია. თუმცა ადვილი შესაძლებელია, როგორც საუკეთესო მეორეადგილოსანი, პლეი ოფში მაინც გავიდეს. ზირაქაშვილი განაცხადში არ არის.
B ჯგუფი
მეტრო რასინგი-ლენსტერი, სარასენზი-კლერმონი
სატურნირო მდგომარეობა
ლენსტერი - 19 ქულა, კლერმონი - 14, მეტრო რასინგი - 9, სარასენზი - 6.
Jan 2, 2011
რაგბის კავშირმა 2010 წელი შეაჯამა და წლის საუკეთესოები დააჯილდოვა
გიორგი ნიჟარაძე დავით ზირაქაშვილს აჯილდოვებს
წლის მიწურულს, რაგბის კავშირმა, ტრადიციისამებრ, შემაჯამაბელი ღონისძიება გამართა: დაჯილდოვდნენ საქართველოს 2010 წლის ეროვნული გათამაშების პრიზიორი და ჩემპიონი გუნდები; დასახელდნენ სხვადასხვა კატეგორიებში გამართული კონკურსების გამარჯვებულები. კერძოდ, გამოცხადდა 2010 წლის ერვონული ჩეპიონატის საუკეთესო მორაგბე, წლის მწვრთნელი, ყველაზე კორექტული გუნდი, საქართველოს ჩემპიონატის რჩეულ მორაგბეთა სიმბოლური ნაკრები, ასევე დასახელდა ეროვნული ჩემპიონატის საუკეთესო ბომბარდირი და მელელოვე და ბოლოს, ღონისძიების მიწურულს, საზეიმოდ გამოცხადდა წლის უპირველესი ქართველი მორაგბის ვინაობა.
გამოკითხვა ჩატარდა კლუბების ხელმძღვანელებსა და ჟურნალისტებს შორის, სპეციალურიად შედგენილი კითხვარების მეშვეობით: წლის მორაგბის კატეგორიაში დავით ზირაქაშვილი უპირობო ლიდერი გახდა; საუკეთესო მწვრთნელის კონკურსში უპირატესი პოზიცია ლოკომოტივის დამრიგებელმა , თემურ ბენდიაშვილმა დაიკავა, რომელმაც უკან ჩამოიტოვა ყოჩების მწვრთნელი, ლევან მგელაძე და და შარშანდელი ნომინაციის გამარჯვებული, „ლელოს“ მწვრთნელი ლევან მაისაშვილი. ეროვნული ჩემპიონატის საუკეთესო მორაგბის კატეგორიაში ქუთაისის „აიას“ მეთხუთმეტე ნომერი, ბესიკ ხამაშურიძე, იგივე „ანტილოპა“ დასახელდა. საგულისხმოა, რომ ამ კატეგორიაში სამი რჩეული გამოიკვეთა: ხამაშურიძემ ერთი ქულით გაუსწრო „ლელოელ“ ლექსო გუგავას და შვიდი ქულით - ასევე „ლელოელ“ ვიქტორ კოლელიშვილს.
ნომინაციაში „წლის ყველაზე დისციპლინირებული გუნდი“, აკადემიამ“ გაიმარჯვა. საუკეთესო მელელოვე მიხეილ არჩუაშვილი გახდა - „ვისოლი - ყოჩების“ მორაგბემ, წლეულს რვა ლელო დადო; ხოლო საუკეთესო ბომბარდირად ლოკომოტივის 10 ნომერი ბორის (ბობა) კვინიხიძე დასახელდა, რომელმაც 2010 წლის ჩემპიონატში, თავის გუნდს 197 ქულა მოუპოვა.
ჩემპიონატის პრიზიორებსა და ნომინაციების გამარჯვებულებს ჯილდოები სპორტისა და ახალგაზრდობის საქმეთა მინისტრის მოადგილემ, დავით ნამგალაურმა და რაგბის კავშრის პრეზიდენტმა, გუიორგი ნიჟარაძემ გადასცეს.
წლის საუკეთესო სპორტსმენი და საუკეთესო მორაგბე - დავით ზირაქაშვილი
ღონისძიება ნაკრების მოძღვარმა, მამა ილიამ დალოცა, რასაც მოყვა გიორგი ნიჟარაძის მოკლე შესავალი სიტყვა. რაგბის კავშირის თავკაცმა საზოგადოებას კიდევ ერთხელ შეახსენა ის მიღწევები და წარმატებები, რაც ქართულ რაგბის წლეულს ქონდა. კერძოდ: ეროვნული ნაკრების ზედიზედ მესამე გასვლა მსოფლიო ჩემპიონატზე, დიდი გამარჯვება ერთა თასის ყველაზე დრამატული მატჩში რუსეთის ნაკრებთან და შემოდგომის ტესტები, რომლბზეც ქართველებმა პირველად დაამარცხეს კანადისა და ამერიკის შეერთებული შტატების საკმაოდ ძლიერი ნაკრებები - „ბევრი რამ წლეულს პირველად მოხდა ქართული რაგბის ისტორიაში“ - აღნიშნა გიორგი ნიჟარაძემ - „19 წლამდელთა ნაკრები, პირველად ქართული რაგბის ისტორიაში, ევროპის ჩემპიონი გახდა; 18 წლამდელება საპრიზო მესამე ადგილი დაიკავეს IRB-ს ძალზე პრესტიჟულ, ევროპულ ასპაარეზობაზე. ასევე პირველად - თხუთმეტწლამდელები ვერცხლის მედლის მფლობელები გახდნენ მსოფლიოს დედაქალაქთა შვიდკაცა ტურნირზე, რომლის ფინალშიც ქართველმა ჭაბუკებმა მხოლოდ ერთი ქულით დათმეს სამხრეთ აფრიკის ნაკრებთან“. თავის სიტყვაში გიორგი ნიჟარაძემ ასევე აღნიშნა „ა“ნაკრების ძალზე წარმატებული, პირველი ტურნე სამხრეთ აფრიკაში და 17 წლამდელთა ძლევამოსილი გამარჯვებები უკრაინისა და მოლდოვას ნაკრებებთან ამხანაგურ მატჩებში.
ამის შემდეგ, 2010 წლის ეროვნული ჩემპიონატის გამარჯვებული და პრიზიორი გუნდების დაჯილდოვება მოხდა: ბრინჯაოს მედლები „ვისოლი-ყოჩების“ მწვრთნელსა და მოთამაშეებს გადაეცათ, ვერცხლი - „ლელოს“, ხოლო ოქრო - „ლოკომოტივს“. ჩემპიონი გუნდის დამრიგებელმა და წლის საუკეთესო მწვრთნელმა, თემურ ბენდიაშვილმა, თავისი მედალი საზეიმოდ გადასცა წლის ყველაზე წარმატებულ ქართველ სპორტსმენს - დავით ზირაქაშვილს.
დავით ზირაქაშვილი, პირველი მორაგბეა, რომელმაც წლის საუკეთესო ქართველი სპორტსმენის ნომინაციაში გაიმარჯვა. კონკურსი, როგორც ცნობილია, სპორტისა და ახალგაზრდობის საქმეთა სამინისტრომ ჩაატარა და დააწესა პრიზი - ბრინჯაოს ლომი, რომელიც ლოკომოტივის ყოფილი მორაგბისა და შესანიშნავი ქართველი მოქანდაკის - გიორგი ჯაფარიძის მიერ არის შექმნილი. „ზირაქამ“ ევროპული უამინდობის გამო, თბილისში დროულად ჩამოსვლა ვერ შეძლო და, შედეგად, სპორტისა და ახალგაზრდობის საქმეთა სამინისტროს ღონისძიებას ვერ დაესწრო. წლის ქართველი სპორტსმენის პრიზი - 15 კილოგრამიანი ლომი დავით ნამგალაურმა „ზირაქას“ რაგბის კავშირის მიერ გამართულ ღონისძიებაზე გადასცა. ზირაქაშვლს ასევე გადაეცა წლის საუკეთესო მორაგბისთვის განკუთვნილი ე. წ. „ადრესი“ და სუვენირი, “ბაზისბანკის” 5 ათას ლარიანი ბარათი და ტიხრული მინანქრის ტექნიკით შესრულებული მედალიონი წმინდა გიორგის გამოსახულებით. მედალიონზე გაკეთებულია წარწერა: „ღმერთი შეეწიოს 2010 წლის საუკეთესო მორაგბე დავით ზირაქაშვილს.“
სცენაზე ასულ „ზირაქას“ დარბაზი ფეხზე წამოუდგა და მქუხარე ტაშთ დააჯილდოვა. სპორტსმენის სამადლობელი სიტყვა მოკლე და გულშიჩამწვდომი იყო: „10 წლის უკან, როდესაც რაგბის თამაში დავიწყე, იმასაც ვერ ვიფიქრებდი, რომ საქართველოს ნაკრებში მოვხვდებოდი. ყველას მოვუწოდებ, მაქსიმუმი გააკეთოს და დასახული მიზნისკენ სწრაფვას არ მოეშვას. სწორედ ამან მიმაღწევინა ასეთ აღიარებამდე”.
არანაკლებ საინტერესო აღმოჩნდა წლის გამორჩეული მორაგბეებისგან შემდგარი, საქართველოს ეროვნული ჩემპიონატის სიმბოლური ნაკრები, რომელიც უპირატესად თბილისის „ლოკომოტივისა“ და „ლელოს“ მორაგბეებისგან შედგება. ნაკრებში სამი მოთამაშეა ქუთაისის „აიადან“; ორი - თბილისის „ვოსოლი-ყოჩებიდან“ და ერთიც „ბათუმი 15“ - იდან. სიმბოლური ნაკრები ასე გამოიყურება:
15. ბესიკ ხამაშურიძე (აია)
14. ირაკლი გეგენავა (ყოჩები)
13. ირაკლი ჩხიკვაძე (აია)
12. გოჩა ხონელიძე (ბათუმი)
11. ლექსო გუგავა (ლელო)
10. ბორის კვინიხიძე (ლოკომოტივი)
9. ირაკლი ღვინჯილია (ლოკომოტივი)
8. ზვიად მაისურაძე (ლოკომოტივი)
7. ვიქტორ კოლელიშვილი (ლელო)
6. გივი ბერიშვილი (ლოკომოტივი)
5. გელა შალამბერიძე (აია)
4. ლაშა აზალაძე (ლელო)
3. მიხეილ სუჯაშვილი (ლელო)
2. ჯაბა ბრეგვაძე (ვისოლი-ყოჩები)
1. დავით გასვიანი (ლოკომოტივი)
შემაჯამებელი ღონისძიება მხოლოდ ახალგაზრდებისთვის არ ყოფილა სიხარულის მომტანი: ქართული რაგბის განვითარებაში შეტანილი წვლილისთვის, სპციალური სიგელებით დაჯილდოვდნენ ვეტერანი მორაგბეები, რომელთაც წლეულს მრგვალი თარიღები შეუსრულდათ. ყოველ მათგანს დიდუბის საგამოფენო კომპექსის მე-6 პავილიონში შეკრებილი საზოგადოება ფეხზე მდგარი უკრავდა ტაშს. ამას გარდა, მალხაზ ჭეიშვილს, პაატა ნარიმანაშვილსა და დავით ჩავლეიშვილს საქართველოს დამსახურებული მწვრთნელის წოდება მიენიჭათ.
მამუკა გორგოძე საფრანგეთის ჩემპიონატის სიმბოლურ ნაკრებში მოხვდა
ყოველდღიურმა ფრანგულმა სარაგბო გაზეთმა "მიდი ოლიმპიკმა" საქართველოს ნაკრებისა და "მონპელიეს" მესამეხაზელი მამუკა გორგოძე სეზონის სიმბოლურ ნაკრებში შეიყვანა.
"მიდი ოლიმპიკი" ტრადიციულად, ყოველი შობის წინ, მიმდინარე გათამაშების საუკეთესო მორაგბეებს არჩევს და საფრანგეთის ჩემპიონატის სიმბოლურ ნაკრებს ადგენს.
გორგოძე პირველი ქართველი მორაგბეა, ვინც ამ ნაკრებში მოხვდა. მან საუკეთესოთა შორის ადგლი მესამე ხაზში, შვიდი ნომრის პოზიციაზე დაიკავა. აი, როგორ აფასებს მის თამაშს "მიდი ოლიმპიკი":
"მამუკა გორგოძე წლევანადელ სეზონში "მონპელიეს" წარმატების სიმბოლოა.
ერიკ ბეშუმ და ფაბიენ გალტიემ ის მეორე ხაზიდან მესამეში გადაიყვანეს და არც შემცდარან. ღონიერმა, სწრაფმა და ბრძოლაში შეუპოვარმა ქართველმა დისციპლინაში არსებული პრობლემების მოგვარება შეძლო და საფრანგეთის ჩემპიონატის ერთ-ერთი საუკეთესო მორაგბე გახდა".
სიმბოლურ ნაკრებში ყველაზე მეტი, ოთხი წარმომადგენელი ფრანგული რაგბის გრანდს, "ტულუზს" ჰყავს. აღსანიშნავია, რომ "მონპელიედან", რომელიც ჩემპიონატის ერთ-ერთი ლიდერია, საუკეთესოთა შორის გორგოძის გარდა ვერავინ მოხვდა.
"მიდი ოლიმპიკის" სიმბოლურ ნაკრებშია ქართული წარმოშობის ცხრა ნომერი, ბიარიცელი დიმიტრი იაშვილიც.
"30 წლის ცხრა ნომერი კარიერაში საუკეთესო სეზონს ატარებს. მიუხედავად იმისა, რომ ეროვნულ ნაკრებში ხშირად არ უწევდა თამაში, "იაში" "ბიარიცში" ასპარეზობისას სასწაულებს სჩადის. ოსტატობა, თამაშის მართვის უნარი და ფეხჩუბინობა მას ბასკური გუნდის ლიდერად წარმოაჩენს", - წერს "მიდი ოლიმპიკი" დიმიტრი იაშვილის შეფასებისას.
აღსანიშნავია, რომ იაშვილს სიმბოლურ ნაკრებში პარტნიორად გაუმწესეს მსოფლიოს ერთ-ერთი საუკეთესო მგეზავი, ინგლისელი ჯონი ვილკინსონი.
გორგოძე საუკეთესოთა შორის ისეთი სახელოვანი მორაგბეების გვერდითაა დასახელებული იანიკ ჟოზიონი, მაქსიმ მედარი, ვილაიმ სერვა და ანდრეა ლო ჩიჩერო რომ არიან.
საფრანგეთის ჩემპიონატის სიმბოლური ნაკრები
15. რომენ ტულე (კასტრი), 14. იოან უგე (ბაიონი), 13. სერუ რაბენი (ლა როშელი), 12. იანიკ ჟოზიონი (ტულუზი), 11. მაქსიმ მედარი (ტულუზი), 10. ჯონი ვილკინსონი (ტულონი), 9. დიმიტრი იაშვილი (ბიარიცი).
1. ანდრეა ლო ჩიჩერო (მეტრო რასინგი), 2. ვილიამ სერვა, 3. სენკას ჯონსტონი (ორივე-ტულუზი), 4. ერიკ ლუნდი (ბიარიცი), 5. პასკალ პაპე (სტად ფრანსე), 6. ჯერარდ ვოსლოო (ბრივი), 7. მამუკა გორგოძე (მონპელიე), 8. კრის მასო (კასტრი).
The road to Rugby World Cup 2011
“Though I am not Georgian, I understand perfectly well how the Georgians must feel now and share with them the excitement any local rugby supporter must experience now that the national team has won its third World Cup ticket in a row and that the word ‘Georgia’ will resound on the international stage once again,” said former Wallaby centre Tim Lane, who has seen been replaced by Richie Dixon as Georgia coach.
“It was our goal to bring Georgia to the Rugby World Cup again and I am really happy that this goal has been achieved. Now our goal as a team is to make a worthy appearance at the finals.”
The final day meeting between Georgia and Russia would not only decide the ENC champion, but also who qualified as Europe 1 and 2 for RWC 2011. Georgia claimed the title after triumphing 36-8 and, in the process, booked their place in Pool B at RWC 2011 with Argentina, England, Scotland and the Play-off Winner.
Georgia qualified as Europe 1 after beating Russia in Turkey - Photo: Tamar Kulumbegashvili
The title decider was played in the Akçabaat Fatih Stadium in Trabzon, Turkey, but some 6,000 Georgian fans were still in attendance to see their side run in five tries to one. The match, despite political tensions between the two countries following the brief war of 2008, was played in an excellent spirit.
“For Georgian rugby, another World Cup appearance means a big surge in popularity,” explained second row Ilia Zedginidze, who captained Georgia at RWC 2007 in France. “It will bring a fresh wave of children and teenagers into youth rugby teams, another boost for development, another chance to go forward. And as regards myself, I am happy to be a part of this process and grateful to everyone who supports us on our way.”
Away from Europe, Canada became the first of the eight teams who did not pre-qualify to confirm their place at RWC 2011 after beating old rivals USA in a home and away play-off in July 2009.
Subscribe to:
Posts (Atom)